Ինչպես արդեն տեղեկացրել ենք, Արքայական գավաթի քառորդ եզրափակիչում Մադրիդի «Ռեալը» 3-4 հաշվով զիջել է «Ռեալ Սոսյեդադին»։
30-ամյա Գարեթ Բեյլը, որն այս խաղին հայտավորված չէր ու հանդիպմանը հետևում էր տրիբունայից, նորից վաղաժամ է հեռացել ստադիոնից։
Բեյլը «Սանտիագո Բեռնաբեու» մարզադաշտից հեռացել է խաղի 82-րդ րոպեին՝ հայտնում է AS-ը։
Ընթացիկ մրցաշրջանում ուելսցին նվազագույնն արդեն չորրորդ անգամ վաղաժամ է լքում ստադիոնը։ Խոսքը վերաբերում է հոկտեմբերի 31-ին, դեկտեմբերի 7-ին, հունվարի 18-ին և այսօր կայացած խաղերին։
Ակումբային կանոնակարգի համաձայն՝ ֆուտբոլիստները, որոնք հայտավորված չեն խաղին, իրավունք ունեն ցանկության դեպքում լքելու ստադիոնը 80-րդ րոպեից հետո։
Բուտրագենյո․ «Պետք չէ մեղադրել մեր ֆուտբոլիստներին․ պետք է շնորհավորել «Սոսյեդադին»
