Գարեթ Բեյլը կարիերան կշարունակի «Լոս Անջելեսում»՝ հայտնում է ամերիկյան ակումբի մամուլի ծառայությունը: ՄԼՍ-ը ներկայացնող թիմի հետ Գարեթը կնքել է 1 տարվա պայմանագիր՝ ևս 1,5 տարով ժամկետը երկարաձգելու հնարավորությամբ:
Ուելսցին «Ռեալը» լքել է ազատ գործակալի կարգավիճակով:
«Սա հիանալի վայր է ինձ և ընտանիքիս համար: Անհամբեր սպասում եմ նոր թիմիս կազմում խաղալուն և պատրաստվում եմ տիտղոսներ նվաճել»,- 32-ամյա վինգերի խոսքը մեջբերում է «Լոս Անջելեսի» պաշտոնական կայքը:
Ավելի վաղ «Լոս Անջելես» էր տեղափոխվել Իտալիայի հավաքականի և «Յուվենտուսի» նախկին պաշտպան Ջորջիո Կիելինին: