«Մեծ սաղավարտի» մրցաշարերի 23-ակի հաղթող Սերենա Ուիլյամսը խոսել է «Ուիմբլդոնից» իր սպասելիքների մասին:
Ամերիկուհին շուրջ մեկ տարի բաց էր թողել, սակայն որոշել է մասնակցել մրցաշարին: Կազմակերպիչներն «ուայլդ-քարդ» են տվել նրան:
«Բոլորդ գիտեք՝ որ արդյունքը կհամարեմ հաջող (ժպտում է-խմբ.): Մեծ նպատակներ ունեմ, տեսնենք՝ ինչ կստացվի: Ինձ մոտիվացրել է այն, որ նախորդ տարի վնասվածքի պատճառով դուրս եկա մրցաշարից. երբեք չես ցանկանա նման կերպ ավարտել: Հիմա պետք է անեմ ուժերիս առավելագույնը»,- Ուիլյամսի խոսքը մեջբերում է TennisMajors-ը:
«Ուիմբլդոնը» կայանալու է հունիսի 27-ից հուլիսի 11-ը: