Ամստերդամի «Այաքսի» հարձակվող Սեբաստյեն Ալեն կարիերան կշարունակի Դորտմունդի «Բորուսիայում»՝ հայտնում է Sky Sports-ի գերմանական բաժինը:

Կողմերը ֆուտբոլիստի տեղափոխության շուրջ համաձայնության են եկել: Գործարքը կարժենա 35 միլիոն եվրո, որը թիմի տրանսֆերային ռեկորդի կրկնություն կլինի:

Գերմանական գրանդն իր պատմության ամենաթանկարժեք տրանսֆերն իրականացրել է 2016 թվականի ամռանը: Այդ ժամանակ ֆրանսիացի վինգեր Ուսման Դեմբելեն 35 միլիոն եվրոյով «Ռենից» տեղափոխվել էր Դորտմունդի «Բորուսիա»:

2021/2022 մրցաշրջանում 28-ամյա կոտդիվուարցի գոլահարն Ամստերդամի թիմի կազմում բոլոր մրցաշարերում անցկացրել է 42 հանդիպում, խփել 34 գոլ և կատարել 9 գոլային փոխանցում: Ալեի պայմանագիրն «Այաքսի» հետ գործում է մինչև 2025 թվականի ամառ: