39-ամյա գերմանացի մասնագետ Էդին Թերզիչը նշանակվել է Դորտմունդի «Բորուսիայի» գլխավոր մարզիչ՝ տեղեկացնում է ակումբի մամուլի ծառայությունը:
🤝 Edin Terzic wird BVB-Cheftrainer
— Borussia Dortmund (@BVB) May 23, 2022
Der #BVB hat die vakante Position des Cheftrainers intern besetzt: Edin #Terzic wird den Profikader ab der kommenden Saison trainieren. Terzic wird morgen einen bis zum 30. Juni 2025 datierten Vertrag unterschreiben.
ℹ️https://t.co/LyeRdHe242 pic.twitter.com/vXMpm8DelZ
Հաղորդվում է, որ Թերզիչը վաղը 3 տարվա պայմանագիր կկնքի դորտմունդյան թիմի հետ: Անցյալ տարվա ամռանը Թերզիչը նշանակվել էր «Բորուսիայի» տեխնիկական տնօրեն: Այդ հաստիքը նա կզբաղեցնի մինչև հունիսի 30-ը:
Ընդհանուր առմամբ՝ Թերզիչը «Բորուսիայի» համակարգում է 2010 թվականից, երիտասարդ մասնագետը դորտմունդյան գրանդը գլխավորել էր նաև 2020 թվականի դեկտեմբերից մինչև 2021 թվականի հունիս:
Հիշեցնենք՝ ուրբաթ «Բորուսիան» հայտարարել էր գլխավոր մարզիչ Մարկո Ռոզեին հեռացնելու մասին, որը թիմը գլխավորել էր անցյալ տարվա ամռանը: Դորտմունդցիները Բունդեսլիգայի ավարտված մրցաշրջանում զբաղեցրել են 2-րդ տեղը: