Բոստոնում կայացել է NBA-ի Արևելյան կոնֆերենցիայի՝ «Բոստոն Սելտիքսի» և «Մայամի Հիթի» միջև եզրափակիչ սերիայի 4-րդ հանդիպումը: Մրցավեճն ավարտվել է տանտերերի՝ խոշոր հաշվով հաղթանակով՝ 102:82:
«Սելտիքսի» 24-ամյա աստղային հարձակվող Ջեյսոն Տեյտումը վաստակել է 31 միավոր, տիրել 8 անդրադարձի և 5 արդյունավետ փոխանցում կատարել։ Պաշտպան Վիկտոր Օլադիպոն 23 միավորով, 4 անդրադարձով և 6 արդյունավետ փոխանցումով ամենաարդյունավետն է եղել «Հիթի» կազմում:
Այսպիսով՝ Արևելյան կոնֆերենցիայի եզրափակիչ սերիայում կրկին հաշիվը հավասարվեց՝ 2:2: Շարքի 5-րդ հանդիպումը կկայանա «Մայամի Հիթի» խաղահրապարակում (մայիսի 26):