Սերբիայի մայրաքաղաք Բելգրադում կայացավ բռնցքամարտի աշխարհի առաջնության մրցումային երկրորդ օրը:
51 կգ քաշայինների 1/16 եզրափակիչից մեկնարկեց Հայաստանի ներկայացուցիչ Արթուր Հովհաննիսյանը՝ վստահ հաղթանակ տոնելով Գերմանիայի դրոշի ներքո հանդես եկող հայազգի Արգիշտի Տերտերյանի հետ պայքարում: 1/8 եզրափակիչում Հովհաննիսյանը կմենամարտի ԱՄՆ ներկայացուցիչ Հիլ Ռոսկոյի հետ:
92 կգ քաշային կարգի 1/32 եզրափակիչում պարտություն կրեց Նարեկ Մանասյանը:
Այսօր ռինգ դուրս կգան 48 կգ քաշային Սեյրան Եղիկյանը և 60 կգ քաշային Կարեն Տոնականյանը: Եղիկյանը 1/16 եզրափակիչում կմենամարտի Իտալիայի ներկայացուցիչ Նիկոլա Կորդելայի հետ, իսկ Կարեն Տոնականյանը պայքարը կսկսի 1/32 եզրափակիչից:
