Երևանում ընթանում է բռնցքամարտի Եվրոպայի առաջնության մրցումային 5-րդ օրը։
Հայաստանի ներկայացուցիչ Արթուր Բազեյանը քառորդ եզրափակիչում ուժերը չափեց թուրք բռնցքամարտիկ Բաթուհան Չիտֆչիի հետ, հաղթեց 4-1 հաշվով՝ դուրս գալով կիսաեզրափակիչ։
Հայաստանի բռնցքամարտիկներից քառորդ եզրափակիչի արգելքը հաղթահարել է նաև Օլիմպիական խաղերի և աշխարհի առաջնության եռակի բրոնզե մեդալակիր, Եվրոպայի առաջնության և Եվրոպական խաղերի հաղթող գյումրեցի Հովհաննես Բաչկովը, որը դարձել է այս ստուգատեսում մրցանակային տեղ ապահոված մեր առաջին մարզիկը։
Ավելի վաղ հայ բռնցքամարտիկներից պարտվել ու մրցասպարեզը լքել էին Դավիթ Չալոյանը, Բարեղամ Հարությունյանը (48 կգ), Արթուր Հովհաննիսյանը (51 կգ) և Համբարձում Հակոբյանը (80 կգ)։
Առաջնության մենամարտերը կարող եք դիտել «Վիվառո սպորտ պլուս» և «Վիվառո Արենա» հեռուստաալիքներով:
