Բռնցքամարտի եվրոպական միության գործադիր կոմիտեի հերթական նիստը տեղի է ունենալու Երևանում՝ տեղեկացնում է մարզաձևի հանրապետական ֆեդերացիան։
Որոշումն ընդունվել է եվրոպական այդ կազմակերպության տնօրենների նորընտիր խորհրդի անդրանիկ նիստում, որն անցկացվել է հեռավար տարբերակով։ Հայաստանի բռցքամարտի ֆեդերացիայի նախագահ Հովհաննես Հովսեփյանի առաջարկով EUBC գործկոմի հաջորդ նիստը հրավիրվելու է մայիսի 30-ին Երևանում։ Իսկ մայիսի 23-ին մեր մայրաքաղաքում տեղի է ունենալու կառույցի՝ Մարզիկների կոմիտեի կազմի ընտրությունը։
Նշվում է նաև, որ մայիսի 8-ին հրավիրված տնօրենների խորհրդի նիստում EUBC փոխնախագահ է ընտրվել Սումայիդ Խալիդովը։
Հովհաննես Հովսեփյանն անցյալ շաբաթ ընտրվել է EUBC տնօրենների խորհրդի տնօրենի պաշտոնում։
Մայիսի 21-31-ը Երևանում է անցկացվելու բռնցքամարտի տղամարդկանց Եվրոպայի առաջնությունը։