Բռնցքամարտի Հայաստանի հավաքականը տարին ավարտում է հաղթական նոտայով՝ գրում է Հայաստանի բռնցքամարտի ֆեդերացիան:
Թիմային ձևաչափով մրցաշարի մրցումային վերջին օրը Կարեն Աղամալյանի գլխավորած հավաքականը մրցել է Վրաստանի ընտրանու հետ և կրկին առավելության հասել:
Իրենց մենամարտերը հաղթանակով են ավարտել 48 կգ քաշային Բարեղամ Հարությունյանը, 57 կգ քաշային Արթուր Բազեյանը, 60 կգ քաշային Արթուր Ղազարյանը, 63 կգ քաշային Արթուր Սահակյանը, 67 կգ քաշային Գուրգեն Մադոյանը և 80 կգ քաշային Համբարձում Հակոբյանը:
