«Դինամո» մարզահամալիրում ընթացող բռնցքամարտի՝ թիմային ձևաչափով մրցաշարում այսօր մրցել են Հայաստանի և Ուկրաինայի կանանց հավաքականները։
Հայաստանի բռնցքամարտի ֆեդերացիայի հաղորդմամբ՝ մեր ընտրանին հաղթել է 5։2 հաշվով։
Գեղեցիկ հաղթանակներ են տոնել 48 կգ քաշային Լիլիթ Դալլաքյանը, 50 կգ քաշային Անուշ Գրիգորյանը, 60 կգ քաշային Էլիդա Քոչարյանը, 63 կգ քաշային Սոնա Հարությունյանը և 70 կգ քաշային Անի Հովսեփյանը։
Հատկանշական է, որ հաղթանակ տոնած հայ մարզուհիներն իրենց մրցակիցներին նաև նոկդաունի են ենթարկել։
