ԱՊԼ-ի 36-րդ տուրում «Մանչեսթեր Յունայթեդը» 0:4 հաշվով պարտվեց «Բրայթոնին» ու կորցրեց Չեմպիոնների լիգայի գալիք մրցաշրջանին մասնակցելու տեսական շանսը:
Հանդիպումից հետո երկրպագուներից ներողություն է խնդրել «կարմիր սատանաների» կիսապաշտպան Բրունու Ֆերնանդեշը:
«Արդյունքն ամեն ինչ ասում է: Վատ խաղացինք, իսկ մրցակիցը գերազանցեց մեզ բոլոր առումներով: Արժանիորեն ենք գտնվում այս դիրքում: Երկրպագուների վանկարկումները (ՄՅՈՒ-ի խաղացողներն արժանի չեն կրելու թիմի խաղաշապիկը-խմբ.) ինձ էլ են վերաբերում. համաձայն եմ, որ նման խաղով իրավունք չունեմ կրելու այս մարզաշապիկը»,- պորտուգալացու խոսքը մեջբերում է Daily Mail-ը:
Ընթացիկ մրցաշրջանում մանչեսթերյան թիմի կազմում 27-ամյա ֆուտբոլիստն անցկացրել է 45 հանդիպում՝ դառնալով 10 գոլի և 14 ասիստի հեղինակ:
