«Մանչեսթեր Յունայթեդի» կիսապաշտպան Բրունու Ֆերնանդեշը հումորով քննադատել է իր հայրենակից, մանկունիական ակումբում թիմակից Կրիշտիանու Ռոնալդուին:
«Երբեմն բարդ է հասկանալ, թե ինչի մասին են խոսում Լինգարդն ու Ռեշֆորդը: Նույն իրավիճակը պորտուգալերենի դեպքում է: Եթե Ռոնալդուին էլ հարցնեք, նա կասի, որ ես, ինքն ու Դալոտն այլ կերպ ենք խոսում:
Կրիշտիանուի խոսելաձևը պորտուգալերենի վատագույն բարբառներից է(ծիծաղում է-խմբ.): Ռոնալդուն Մադեյրայից է: Աստվա՜ծ իմ, երդվում եմ՝ պորտուգալացիները չեն հասկանում, թե ինչ լեզվով են խոսում այս կղզու բնակիչները»,- Manchester Evening News-ը մեջբերում է Ֆերնանդեշի խոսքը: