Չեմպիոնների լիգայի 1/8 եզրափակչի առաջին հանդիպումների վերջին երկու խաղերն ավելի համեստ էին իրենց իրադարձություններով ու հաշիվներով, բայց այստեղ էլ բավականին հետաքրքիր վիճակագրական փաստեր կան, որոնցից առանձնացրել ենք ամենատպավորիչները:
Դեռ երբեք ՉԼ փլեյ-օֆֆի մեկ տուրում այսքան գոլ չէր խփվել՝ 34:
Չեմպիոնների լիգայում վերջին 8 11 մետրանոցներից միայն 1-ն է դիպուկ իրացվել, 6-ը հետ է մղվել դարպասապահների կողմից, ևս 1-ն էլ դիպել է դարպասաձողին:
«Պորտու» 0-2 «Յուվենտուս»
«Յուվենտուսը» ՉԼ-ի խաղերում գնդակին տիրելու իր ամենաբարձր ցուցանիշն արձանագրեց՝ 76,6% և փոխանցումների ամենաբարձր ճշգրտությունը՝ 91,8%, սկսած 2003/04 մրցաշրջանից, երբ սկսվել է վիճակագրություն վարվել:
«Յուվենտուսի» դարպասին երեկ ոչ մի հարված չի կատարվել: Վերջին անգամ Բուֆոնն առանց գործի էր մնացել 2005թ.՝ «Լիվերպուլի» հետ խաղում:
Բուֆոնը դարպասն անառիկ է պահել բոլոր մրցաշարերում իր վերջին 7 խաղերից 6-ում:
Սամի Խեդիրան երեկ ավելի շատ հարված կատարեց դեպի մրցակցի դարպասը՝ 4, քան ողջ «Պորտուն»՝ 3:
Մարկո Պյացայի և Դանի Ալվեշի գոլերի միջև ընդամենը 141 վայրկյան ժամանակ անցավ:
Ալեքս Տելեսի կարմիր քարտը 27-րդ րոպեին ամենաարագն էր Չեմպիոնների լիգայի այս մրցաշրջանում: