Կառլ Հուֆկենսը նշանակվել է «Բրյուգեի» գլխավոր մարզիչ՝ տեղեկացնում է բելգիական ակումբի մամուլի ծառայությունը:
Բելգիացի 43-ամյա մասնագետը թիմը կգլխավորի մինչև հաջորդ մրցաշրջանի ավարտը: Նրա մարզչական շտաբում կընդգրկվեն Փոլ Օկոնը և Ռիկ Դե Միլը: Հուֆկենսը մարզական կարիերայի ընթացքում՝ 2009-2013 թվականներին, խաղացել է «Բրյուգեում»:
Հիշեցնենք՝ «Բրյուգեն» մինչև այս գլխավորում էր նիդեռլանդցի մասնագետ Ալֆրեդ Սխրյոդերը, որը մրցաշրջանի ավարտից հետո հեռացել է թիմի ղեկից՝ գլխավորելով «Այաքսը»:
«Բրյուգեն» Բելգիայի ավարտված առաջնությունում դարձել է հաղթող: Բելգիական ակումբի կազմում հունվարից վարձավճարով ելույթ է ունենում Հայաստանի հավաքականի հարձակվող Սարգիս Ադամյանը: