Մադրիդի «Ռեալի» գլխավոր մարզիչ Կառլո Անչելոտին մեկնաբանել է Չեմպիոնների լիգայի 1/4 եզրափակիչի առաջին խաղում «Չելսիի» նկատմամբ տոնած հաղթանակը (3:1):
«Մենք լավ խաղացինք և կտրուկ հակագրոհեցինք: Լավ երեկո անցկացրինք, բայց առայժմ սա միայն գործի կեսն է:
Մենք ցուցադրեցինք կազմակերպված խաղ, իսկ Բենզեման հիանալի էր։ Մեզ հաջողվեց ազատ գոտիներ գտնել մրցակցի պաշտպանական դիրքերում։
Հիմա մենք առավելություն ունենք, բայց երեքշաբթի կայանալիք խաղն այլ է լինելու, քանի որ մրցակիցը Չեմպիոնների լիգայի գործող գավաթակիրն է:
Պետք է նշեմ, որ մենք շատ լավ հակագրոհներ անցկացրինք:
Կարծում եմ՝ պաշտպանությունում հաջող խաղը մեզ օգնեց։ Եվ հետո մենք սկսեցինք առջևի գծում վտանգավոր գործել Բենզեմայի և Վինիսիուսի շնորհիվ»,- Անչելոտիի խոսքն է մեջբերում ՈՒԵՖԱ-ի մամուլի ծառայությունը:
Մադրիդցիները Լոնդոնում հաղթել են Կարիմ Բենզեմայի հեթ-տրիկի շնորհիվ:
Պատասխան խաղը կկայանա ապրիլի 12-ին Մադրիդի «Սանտիագո Բեռնաբեու» ստադիոնում, մեկնարկը՝ 23:00-ին:
