Աշխարհի 9-րդ ռակետ, իսպանացի թենիսիստ Կառլոս Ալկարասը Մադրիդում ընթացող գրունտային «Մաստերսի» կիսաեզրափակիչի ուղեգիր նվաճեց։
19-ամյա թենիսիստը քառորդ եզրափակիչում հաղթեց «Մեծ սաղավարտի» 21-ակի չեմպիոն Ռաֆայել Նադալին (6-2, 1-6, 6-3): Հանդիպումը տևեց 2 ժամ 28 րոպե։
Ալկարասը դարձավ Մադրիդում անցկացվող մրցաշարի պատմության ամենաերիտասարդ կիսաեզրափակիչի ուղեգիր նվաճողը։ Դրանից բացի, նա առաջին դեռահասն է, որը Նադալին հաղթում է գրունտում։
Կիսաեզրափակիչում Ալկարասը կմրցի աշխարհի առաջին ռակետ, սերբ Նովակ Ջոկովիչի հետ։