«Մանչեսթեր Յունայթեդի» և հարձակվող Էդինսոն Կավանիի պայմանագրի ժամկետն ամռանը կլրանա: Ակումբը հաստատել է, որ ուրուգվայցին հեռանում է, իսկ ֆուտբոլիստը հրաժեշտի խոսք է ասել:
«Մանչեսթեր Յունայթեդի» երկրպագուներին երախտապարտ լինելուց բացի այլ բան չունեմ ասելու: Իմ ժամանելու պահից նրանք մեծ հարգանք են դրսևորել: Կարծում եմ՝ նրանք գիտակցել են, որ ամբողջ նվիրումով եմ աշխատել այս թիմի համար:
Ես իսկապես երախտապարտ եմ ու ջերմ հիշողություններով կհեռանամ այստեղից: Շնորհակալ եմ»,- ասել է Կավանին ակումբի մամուլի ծառայության հետ զրույցում:
Էդինսոն Կավանին «Մանչեսթեր Յունայթեդի» գույները պաշտպանում է 2020 թվականի հոկտեմբերից:
