Չեմպիոնների լիգայի եզրափակիչ «Լիվերպուլ» - «Ռեալ Մադրիդ» (0-1) խաղից հետո «Արքայական ակումբի» կիսապաշտպան Դանի Սեբալյոսը հայտարարել է, որ եզրափակիչից ընդամենը ժամեր առաջ թիմի որոշ ֆուտբոլիստներ այնքան հանգիստ էին, որ թղթախաղ էին խաղում:
«Երբ ես տեսա Կարիմին, Կարվախալին, Մոդրիչին խաղից ընդամենը մի քանի ժամ առաջ թղթախաղ խաղալիս, մտածեցի. «Օհո՜, ամեն դեպքում հանգստություն կա»: Ես չէի կարող քնել նույնիսկ Սիեստայի ժամանակ»,- իսպանացի ֆուտբոլիստը խոսքը մեջբերում է հեղինակավոր լրագրող Սիդ Լոուն:
Հավելենք՝ Սիեստան հետճաշյա քունն է, որն ընդունված է հատկապես տաք կլիմա ունեցող երկրներում: