Չեմպիոնների լիգայի քառորդ եզրափակիչի «Ատլետիկո» - «Մանչեսթեր Սիթի» դիմակայության պատասխան խաղից հետո ծեծկռտուք է սկսվել հանդերձարան տանող թունելում:
Խաղից հետո 2 թիմի ֆուտբոլիստները հանդերձարան տանող ճանապարհին փորձել են պարզել խաղադաշտում չլուծված հարցերը:
Խաղավերջում մադրիդցիների պաշտպան Ֆելիպեի կարմիր քարտ ստանալուց հետո ֆուտբոլիստները բախվել են: Վեճը շարունակվել է խաղադաշտի սահմաններից դուրս, իսկ հանդերձարան տանող թունելում՝ վերածվել ծեծկռտուքի:
Ամենաակտիվը եղել Ստեֆան Սավիչն ու Ջեք Գրիլիշը։ ՈՒԵՖԱ-ի աշխատակիցները, տեսնելով, թե ինչ է կատարվում, ստիպել են ոստիկանությանը միջամտել, որպեսզի ծեծկռտուքը չվերածվի ջարդի:
Տեսանյութը հրապարակել է թվիթերյան օգտատերերից մեկը:
FIGHT ON TUNNEL pic.twitter.com/GO5uPJeSdJ
— ✯ (@shhhhhhhhhhh007) April 13, 2022
Հիշեցնենք՝ Մադրիդում կայացած խաղն ավարտվել է գոլազուրկ ոչ-ոքի՝ 0:0: Անգլիական ակումբը դուրս է եկել կիսաեզրափակիչ, քանի որ առաջին խաղում հաղթել էր 1:0 հաշվով:
Կիսաեզրափակիչում «Մանչեսթեր Սիթին» կմրցի Մադրիդի «Ռեալի» հետ: