Հայտնի են Չեմպիոնների լիգայի շաբաթվա լավագույն գոլի հավակնորդները՝ տեղեկացնում է մրցաշարի մամուլի ծառայությունը:

Լավագույնի կոչմանը հավակնում են «Լիվերպուլի» հարձակվող Ռոբերտո Ֆիրմինոյի 2-րդ գոլը «Բենֆիկայի» դեմ քառորդ եզրափակիչի պատասխան խաղում (3:3), «Բավարիայի» հարձակվող Ռոբերտ Լևանդովսկիի գոլը «Վիլյառեալի» դարպասը (1:1), Մադրիդի «Ռեալի» հարձակվող Ռոդրիգոյի գոլը Լուկա Մոդրիչի փոխանցումից հետո «Չելսիի» դեմ քառորդ եզրափակիչի պատասխան խաղում (2:3) և «Չելսիի» կիսապաշտպան Մեյսոն Մաունթի գոլը «Ռեալի» դարպասը (3:2):

Չեմպիոնների լիգայի կիսաեզրափակիչում Մադրիդի «Ռեալը» կմրցի «Մանչեսթեր Սիթիի» հետ, իսկ «Լիվերպուլը» կհանդիպի «Վիլյառեալին»։

Առաջին հանդիպումները կկայանան ապրիլի 26-ին և 27-ին, պատասխան խաղերը՝ մայիսի 3-ին և 4-ին:

ՉԼ. Շաբաթվա լավագույն ֆուտբոլիստի հավակնորդները