Վաղը՝ ապրիլի 5-ին, ՈՒԵՖԱ-ի Չեմպիոնների լիգայում կմեկնարկի 1/4 եզրափակիչ փուլը:
«Բենֆիկան» Պորտուգալիայում կընդունի անգլիական «Լիվերպուլին», «Մանչեսթեր Սիթին»՝ Մադրիդի «Ատլետիկոյին», իսկ հաջորդ օրն իսպանական «Վիլյառեալը» կհյուրընկալի Մյունխենի «Բավարիային», «Չելսին»՝ Մադրիդի «Ռեալին»:
Բոլոր խաղերը կմեկնարկեն 23:00-ին:
ՈՒԵՖԱ-ն ներկայացրել է խաղերի մրցավարական անձնակազմը:
«ԲԵՆՖԻԿԱ» - «ԼԻՎԵՐՊՈՒԼ»
Խաղը կսպասարկի իսպանացի Խեսուս Խիլ Մանսանոյի գլխավորած մրցավարական անձնակազմը, եզրերում կօգնեն Դիեգո Բարբերոն և Անխել Նեվադոն, 4-րդ պաշտոնյան կլինի Խոսե Մարիա Սանչեսը, իսկ VAR-ի վրա կաշխատի Ալեխանդրո Էրնանդեսը:
«ՄԱՆՉԵՍԹԵՐ ՍԻԹԻ» - «ԱՏԼԵՏԻԿՈ»
Խաղը կսպասարկի ռումինացի Իշթվան Կովաչի գլխավորած մրցավարական անձնակազմը, եզրերում կօգնեն Ֆլորին Վասիլյեն և Օվիդյու Արտենյեն, 4-րդ պաշտոնյան կլինի իտալացի Մարկո դի Բելոն, VAR-ի վրա կաշխատի իտալացի Պաոլո Վալերին:
«ՎԻԼՅԱՌԵԱԼ» - «ԲԱՎԱՐԻԱ»
Խաղը կսպասարկի անգլիացի Էնթոնի Թեյլորի գլխավորած մրցավարական անձնակազմը, եզրերում կօգնեն Գարի Բեսվիքը և Ադամ Նունը, 4-րդ պաշտոնյան կլինի հույն Տասոս Սիդրոպուլոսը, VAR-ի վրա կաշխատի անգլիացի Սթյուարդ Էթուոելը:
«ՉԵԼՍԻ» - «ՌԵԱԼ»
Խաղը կսպասարկի ֆրանսիացի Կլեման Տյուրպենի գլխավորած մրցավարական անձնակազմը, եզրերում կօգնեն Նիկոլաս Դանոսը և Սիրիլ Գրինգորյեն, 4-րդ պաշտոնյան կլինի Ֆրանսուա Լետեքսյեն, VAR-ի վրա կաշխատի Ժերոմ Բրիսարը: