«Մանչեսթեր Սիթիի» և Անգլիայի հավաքականի եզրային հարձակվող Ռահիմ Ստեռլինգը շուտով կարող է տեղափոխվել «Չելսի»: Ակումբները մոտ են տրանսֆերի շուրջ համաձայնության գալուն՝ տեղեկացնում է բրիտանական Sky Sports-ը:
Ստեռլինգը ցանկանում է փոխել թիմը՝ կանոնավոր խաղային պրակտիկա ունենալու համար։ Միաժամանակ, «Չելսին» դեռ պետք է ֆուտբոլիստի հետ համաձայնեցնի անհատական պայմանագրի կետերը:
Հնարավոր գործարքը կարող է արժենալ 50 մլն ֆունտ։ Ստեռլինգի պայմանագիրն Անգլիայի չեմպիոնի հետ գործում է մինչև 2023 թվականի ամառ: