«Չելսին» ու «Ինտերը» դեռ բանակցություններ չեն վարել Բելգիայի հավաքականի հարձակվող Ռոմելու Լուկակուի տրանսֆերի վերաբերյալ։

29-ամյա ֆուտբոլիստը դեմ չէ միլանյան ակումբ վերադառնալուն, որը գործարքի հարցով բանակցել է միայն բելգիացու հետ, իսկ լոնդոնյան ակումբի հետ՝ դեռևս ոչ:

Ա Սերիա վերադառնալու համար Լուկակուն պատրաստ է աշխատավարձի 40 տոկոս նվազեցման։ Բելգիացին «Չելսի» է վերադարձել 2021/22 մրցաշրջանից առաջ։

Ավարտված մրցաշրջանի 44 խաղում Լուկակուն խփել է 15 գոլ ու կատարել 2 գոլային փոխանցում։