Լոնդոնի «Չելսիի» ղեկավարությունը որոշել է փոխարինել գերմանացի կենտրոնական պաշտպան Անտոնիո Ռյուդիգերին, որը, ամենայն հավանականությամբ, հունիսին ազատ գործակալի կարգավիճակով կհեռանա թիմից:
Բրիտանական Goal-ի տեղեկություններով՝ «թոշակառուները» ցանկանում են ձեռք բերել «Նապոլիի» և Սենեգալի հավաքականի պաշտպան Կալիդու Կուլիբալիի տրանսֆերային իրավունքը: «Չելսին» պատրաստվում է առաջարկ կատարել աֆրիկացու համար, որի տրանսֆերային արժեքը գնահատվում է 45 միլիոն եվրո:
Ավելի վաղ հեղինակավոր ինսայդեր Ֆաբրիցիո Ռոմանոն հայտնել էր, որ Ռյուդիգերը բուժզննում է անցել Մադրիդի «Ռեալի» համար և 4 տարվա պայմանագիր համաձայնեցրել «սերուցքայինների» հետ: 29-ամյա գերմանացի ֆուտբոլիստը «Չելսիի» կազմում ընթացիկ մրցաշրջանում բոլոր մրցաշարերում անցկացրել է 51 հանդիպում՝ դառնալով 5 գոլի և 4 ասիստի հեղինակ:
