«Չելսին» մտադիր է վերջին՝ 4-րդ առաջարկը կատարել «Լիոնին»՝ պաշտպան Էմերսոնին վարձակալությունից վերադարձնելու հարցում՝ հաղորդում է L'Equipe-ը։
Ավելի վաղ «Լիոնը» մերժել էր ֆուտբոլիստին վերադարձնելու լոնդոնյան ակումբի երեք առաջարկ։ Վերջին՝ 4 մլն եվրո կազմող առաջարկը կրկին չի գոհացրել ֆրանսիական ակումբին։
Ընթացիկ մրցաշրջանում 27-ամյա Էմերսոնը Ֆրանսիայի առաջնության 16 խաղում դարձել է 1 գոլի ու 1 գոլային փոխանցման հեղինակ։ «Չելսիի» հետ պաշտպանի պայմանագիրն ուժի մեջ է մինչև 2024 թվականը։