«Ինտերի» հարձակվող Ռոմելու Լուկակուն ամառային տրանսֆերային պատուհանի ընթացքում ամենայն հավանականությամբ չի հեռանա ակումբից՝ հաղորդում է լրագրող Ալֆրեդո Պեդուլան։
Նրա խոսքով՝ «Չելսին» 130 միլիոն եվրոյի առաջարկ է կատարել «Ինտերին», սակայն մերժում է ստացել։ Ա սերիայի չեմպիոնը չի ցանկանում բաժանվել Լուկակուից։ Հաղորդվում է, որ բելգիացին ևս հետաքրքրված չէ Պրեմիեր լիգա վերադարձով։
Բացի Լուկակուից «Չելսին» հետաքրքրված է նաև Դորտմունդի «Բորուսիայի» հարձակվող Էրլինգ Հալանդի ծառայություններով։
Ավելի վաղ հաղորդվում էր, որ «Ինտերը» որոշել է տրանսֆերի հանել իր առաջատարներից մեկին։
