«Չելսին» հետաքրքրված է «Ինտերի» պաշտպան Միլան Շկրինիարի ծառայություններով՝ հայտնում է ինսայդեր Ջանլուկա դի Մարցիոն:
«Ազնվականները» սլովակ ֆուտբոլիստի հնարավոր տեղափոխության թեման շոշափել են Ռոմելու Լուկակուի վարձակալության բանակցությունների ժամանակ:
Լոնդոնյան ակումբը 27-ամյա կենտրոնական պաշտպանին դիտարկում է որպես Անտոնիո Ռյուդիգերին փոխարինող: Հիշեցնենք, որ գերմանացի պաշտպանն ազատ գործակալի կարգավիճակով համալրել էր «Ռեալը»:
Ավելի վաղ «ներաձուրիները» հրաժարվել էին ՊՍԺ-ին վաճառել Շկրինիարի տրանսֆերային իրավունքը:
