Անգլիական «Մանչեսթեր Սիթիի» եզրային հարձակվող Ռիյադ Մահրեզն ամռանը կարող է փոխել ակումբը։
Foot Mercato-ի տեղեկություններով՝ նա կարող է հայտնվել «Չելսիում» կամ «Պարի Սեն Ժերմենում»։ Ընդ որում՝ ֆրանսիական ակումբում 31-ամյա խաղացողին դիտարկում են որպես կիսապաշտպան Անխել դի Մարիային փոխարինող։
«Սիթիի» հետ ալժիրցու պայմանագիրը նախատեսված է մինչև 2023 թվականի ամառ։ Ենթադրվում է, որ նրան ձեռք բերելու համար անհրաժեշտ կլինի վճարել 30-40 միլիոն եվրո։