Չեմպիոնների լիգայի 1/8 եզրափակչում կայացած երկու հանդիպումներում՝ «Ատլետիկո»-«Յուվենտուս» և «Շալկե»-«Մանչեսթեր Սիթի» խաղերում կարելի է առանձնացնել մի շարք հետաքրքիր փաստեր:
- «Մանչեսթեր Սիթին» արդեն 8-րդ անգամ կարողացավ անպարտելի մնալ գերմանական ակումբի դեմ՝ 7 հաղթանակ, 1 ոչ-ոքի ցուցանիշով: Վերջին անգամ «քաղաքայինները» գերմանական ակումբից՝ «Բավարիայից» պարտություն են կրել 2014-ին, երբ մյունխենցիների գլխավոր մարզիչը Պեպ Գվարդիոլան էր:
- Լեոնարդո Բոնուչին անցկացրեց իր ակումբային կարիերայի 500-րդ հանդիպումը:
- Նախորդ մրցաշրջանից սկսած Չեմպիոնների լիգայում արտագնա խաղերում ամենաշատ գոլը խփել էր Ռոնալդուն՝ 8 անգամ: Երեկ Սերխիո Ագուերոն «Շալկեի» դարպասը խփած գնդակով հավասարվեց պորտուգալացուն:
- Նաբիլ Բենտալեբը բոլոր մրցաշարերում միասին վերցրած «Շալկեի» կազմում 14 անգամ իրացրել է 11 մետրանոց, 14 դեպքում էլ՝ անվրեպ:
- Այն թիմերի մեջ, որոնք ՉԼ-ում նվազագույնը 3 անգամ հանդիպել են «Յուվենտուսին», «Ատլետիկոն» միակ ակումբն է, որի դարպասը «Ծեր սինյորան» չի գրավել:
- Նիկոլաս Օտամենդին «Մանչեսթեր Սիթիի» կազմում անցկացնելով իր 161-րդ հանդիպումն առաջին անգամ կարմիր քարտ ստացավ:
- Դիեգո Գոդինն ու Խոսե Մարիա Խիմենեսն առաջին անգամ իրենց կարիերայում գոլ խփեցին նույն խաղի ժամանակ:
- «Ատլետիկոյի» դարպասապահ Յան Օբլակը ՉԼ-ում արդեն 4 խաղ անընդմեջ սեփական դարպասն անառիկ է պահում: