Logo

Chessable Masters. Արոնյանը հաղթեց ու կմրցի Կառլսենի հետ

Հեղինակ
Աշոտ Հայրապետյան
09:48 / 06.04.2023Շախմատ
null

Լևոն Արոնյանը Chessable Masters արագ շախմատի առցանց մրցաշարում հաղթահարեց հերթական փուլի արգելքը՝ «արմագեդոնում» հաղթելով ռուսաստանցի Վլադիսլավ Արտեմևին:

Առաջին պարտիայում Հայաստանի հավաքականի նախկին առաջատարը սպիտակներով 56-րդ քայլին հաղթանակ տարավ: Հաջորդ պարտիայում Արոնյանը սևերով 37-րդ քայլին պարտվեց: 

Մրցախաղի ելքը վճռվեց «արմագեդոնում»: Պարտիան 97-րդ քայլին ավարտվեց ոչ-ոքի և գործող կարգի համաձայն հաղթանակը տրվեց սևերով խաղացող Արոնյանին:

Հայ գրոսմայստերը կիսաեզրափակիչում կմրցի աշխարհի գործող չեմպիոն, նորվեգացի Մագնուս Կառլսենի հետ, որը 1,5-0,5 հաշվով հաղթեց ԱՄՆ-ը ներկայացնող Ուեսլի Սոյին: 

Արոնյան - Կառլսեն զույգի հաղթողը եզրափակիչում գլխավոր մրցանակը կվիճարկի ԱՄՆ-ի ներկայացուցիչ Ֆաբիանո Կարուանայի հետ: Վերջինս 2,5-0,5 հաշվով հաղթեց ամերիկացի Հիկարու Նակամուրային: 

Մեզ կարող եք հետևել նաև Telegram-ում

Հարցում

Աղյուսակներ

Հայաստան, Պրեմիեր Լիգա