Չիկագոյում հրազենային վիրավորումից մահացել է բռնցքամարտիկ Էդ Բրաունը, որը պրոֆեսիոնալ ռինգում անցկացրած 20 մենամարտերում հաղթանակ է տարել, որոնցից 16-ը՝ նոկաուտով՝ հայտնում է NBC-ը՝ հղում կատարելով տեղական ոստիկանությանը:
24-ամյա բռնցքամարտիկն իր զարմուհու հետ երեկոյան մարզումից տուն վերադառնալիս է եղել, երբ նրա ճանապարհը կտրել են մեքենայով ու սկսել կրակել:
Նշվում է, որ բռնցքամարտիկը բազմաթիվ հրազենային վիրավորումներ է ստացել, այդ թվում՝ գլխի շրջանում, իսկ գնդակներից մեկը դիպել է նրա զարմուհու ոտքին:
Բրաունին շտապ տեղափոխել են հիվանդանոց, սակայն բժիշկներին չի հաջողվել փրկել նրա կյանքը:
