Նախօրեին Փարիզի «Ստադ դը Ֆրանս» ստադիոնում կայացավ Չեմպիոնների լիգայի 2021/22 մրցաշրջանի եզրափակիչը:
«Ռեալը», նվազագույն հաշվով հաղթելով «Լիվերպուլին», իր պատմության մեջ 14-րդ անգամ նվաճեց ՉԼ-ի գավաթը:
Հանդիպումից հետո ՈՒԵՖԱ-ն հայտնել էր շաբաթվա լավագույն ֆուտբոլիստի հավակնորդներին: Անվանացանկում ընդգրկվել էր 4 ֆուտբոլիստ:
- Տիբո Կուրտուա («Ռեալ», դարպասապահ) – կատարել է 9 սեյվ
- Վինիսիուս («Ռեալ», վինգեր) – հաղթական գոլի հեղինակ, ամենաբարձր արագություն – 32,9 կմ/ժ
- Իբրահիմա Կոնատե («Լիվերպուլ», պաշտպան) – 3 անգամ կասեցրել է գրոհը, 7 անգամ խլել է գնդակը, փոխանցումներ ճշգրտություն – 90%
- Կազեմիրո («Ռեալ», կիսապաշտպան) – փոխանցումների ճշգրտություն – 87%, ամենաբարձր արագություն – 28,9 կմ/ժ, անցած տարածություն 10,67 կմ
Երկրպագուների քվեարկության արդյունքներով՝ ՉԼ-ի շաբաթվա լավագույն ֆուտբոլիստ է ճանաչվել «Ռեալի» դարպասապահ Տիբո Կուրտուան: