Ջերմուկում ընթացող Ստեփան Ավագյանի հուշամրցաշարի 5-րդ տուրից հետո միանգամից 4 շախմատիստ՝ Հայկ Մարտիրոսյանը, Շանթ Սարգսյանը, Ամին Տաբատաբաեին և Սամվել Տեր-Սահակյանը 3-ական միավորով գլխավորեցին մրցաշարային աղյուսակը:
Հայկ Մարտիրոսյանն ու Ամին Տաբատաբաեին հաշտություն կնքեցին: Սամվել Տեր-Սահակյանը Մանուել Պետրոսյանի հետ մրցախաղում 2-րդ անընդմեջ հաղթանակը տոնեց: Շանթ Սարգսյանը ոչ-ոքի խաղաց Դայ Վան Նգուենի հետ:
Տուրի մյուս հաղթանակը գրանցվեց Ալեքսանդր Դոնչենկոյի օգտին, որի մրցակիցը Մամիկոն Ղարիբյանն էր: Սարին Նիհալն ու Հանս Նիմանը հաշտություն կնքեցին:
Ալեքսանդր Դոնչենկոն, Դայ Վան Նգուենը, Սարին Նիհալն ու Հանս Նիմանը 2,5-ական միավորով հետապնդում են առաջատարներին:
