Ստեֆանոս Ցիցիպասը երկրորդ տարին անընդմեջ հաղթել է Մոնտե Կառլոյում (Մոնակո) անցկացվող ATP-1000 շարքի մրցաշարում:
Եզրափակիչում հույն թենիսիստը 6:3, 7:6 (7:3) առավելության է հասել Իսպանիայի ներկայացուցիչ Ալեխանդրո Դավիդովիչ-Ֆոկինայի նկատմամբ: Մենախաղը տևել է 1 ժամ 36 րոպե:
ATP վարկանիշային աղյուսակում Ցիցիպասն զբաղեցնում է 5-րդ հորիզոնականը, Դավիդովիչ-Ֆոկինան՝ 46-րդ:
Հավելենք, որ մրցաշարի ընդհանուր մրցանակային հիմնադրամը կազմում էր 5,415,000 եվրո: