«Մանչեսթեր Սիթին» «Էթիհադ» ստադիոնի մոտ կանգնեցրել է թիմի պատմության լավագույն ռմբարկու Սերխիո Ագուերոյի արձանը՝ տեղեկացնում է ակումբի մամուլի ծառայությունը: Արձանն ստեղծել է քանդակագործ Էնդի Սքոթը:
CITY FOREVER 💙#ManCity pic.twitter.com/Q5Fr20RHno
— Manchester City (@ManCity) May 13, 2022
«Ճիշտն ասած՝ ինձ համար շատ հուզիչ է։ Ես շատ շնորհակալ եմ ակումբին Մանչեսթերում իմ ֆուտբոլային կարիերայի ճանաչման համար։ Դա յուրահատուկ բան է»,- Ագուերոյի խոսքն է մեջբերում «Ման. Սիթիի» մամուլի ծառայությունը:
Ագուերոն «Մանչեսթեր Սիթիին» միացել է 2011 թվականին, որի կազմում բոլոր մրցաշարերում անցկացրել է 390 հանդիպում՝ դառնալով 260 գոլի հեղինակ: Արգենտինացին մանչեսթերյան ակումբի կազմում նվաճել է 15 տիտղոս: Սերխիոն 2021 թվականին հեռացել է «Սիթիից»՝ համալրելով կատալոնական «Բարսելոնայի» կազմը, իսկ նույն տարվա դեկտեմբերին հարկադրված ավարտել է մարզական կարիերան սրտի խնդրի պատճառով: