«Մանչեսթեր Սիթին» հետաքրքրված է «Միլանի» վինգեր Ռաֆայել Լեաուի ծառայություններով: Լրագրող Նիկոլո Սկիրայի հաղորդմամբ՝ «քաղաքաբնակները» երիտասարդ պորտուգալացուն դիտարկում են որպես Ռահիմ Ստեռլինգին փոխարինող: Անգլիացին, ամենայն հավանականությամբ, կարիերան կշարունակի «Չելսիում»:
«Ռոսոներիները» մտադիր չեն հրաժեշտ տալ Լեաուին, սակայն կարող են մտափոխվել, եթե լինի 100 միլիոնանոց առաջարկ:
Ավելի վաղ տեղեկություն կար, որ ֆուտբոլիստի ծառայություններով հետաքրքրված է նաև ՊՍԺ-ն:
2021/22 մրցաշրջանում Իտալիայի նորընծա չեմպիոնի կազմում Լեաուն անցկացրել է 42 հանդիպում, խփել 14 գոլ ու կատարել 12 ասիստ: