«Մանչեսթեր Սիթիի» գլխավոր մարզիչ Խոսեպ Գվարդիոլան ամփոփել է Մադրիդի «Ատլետիկոյի» դեմ ոչ-ոքին (0-0) Չեմպիոնների լիգայի 1/4 եզրափակիչի պատասխան խաղում։
«Երկրորդ խաղակեսում մադրիդցիները մեզնից լավ խաղացին, մեր բախտը բերեց, որ չպարտվեցինք: Ի վերջո, մենք կիսաեզրափակչում ենք և դրան արժանի ենք:
Մենք պաշտպանվում էինք ամբողջ ուժով, իսկ Ֆերնանդինյոն հիանալի էր։ Նա մեզ անհավանական թափ տվեց և ամեն ինչ լավ արեց։ Պետք էր հարմարվել։ Մրցակիցն իսկապես շատ լավն էր»,- Գվարդիոլայի խոսքն է մեջբերում ՈՒԵՖԱ-ի մամուլի ծառայությունը։
Առաջին խաղում «Մանչեսթեր Սիթին» հաղթել էր նվազագույն հաշվով, ուստի դուրս եկավ Չեմպիոնների լիգայի կիսաեզրափակիչ։ Անգլիական թիմը կիսաեզրափակիչում կմրցի Մադրիդի «Ռեալի» հետ: