Տամպայում կայացել է Հոկեյի Ազգային լիգայի եզրափակիչ սերիայի՝ «Տամպա Բեյ Լայթնինգի» և «Կոլորադո Էվելանշի» միջև 6-րդ՝ վճռորոշ հանդիպումը: Խաղն ավարտվել է «Կոլորադոյի» հաղթանակով՝ 2:1 հաշվով (դիմակայությունում՝ 4:2):
«Կոլորադոյի» կազմում գոլ են խփել Նաթան Մակինոնը և Արտուրի Լեհկոնենը: «Տամպա Բեյի» միակ գոլը խփել է Սթիվեն Սթեմկոսը։
Այսպիսով՝ «Կոլորադո Էվելանշը» նվաճել է Սթենլիի գավաթը: Թիմը վերջին անգամ NHL-ում հաղթել էր 2001 թվականին:
«Կոլորադոյի» պաշտպան Քեյլ Մակարը ճանաչվել է մրցաշարի փլեյ-օֆֆի ամենաարժեքավոր խաղացող:
