«Ասթոն Վիլան» գնել է «Բարսելոնայի» կիսապաշտպան Ֆիլիպե Կոուտինյոյի ամբողջական տրանսֆերային իրավունքը՝ հաղորդում է կատալոնական ակումբի մամուլի ծառայությունը:
Բիրմինգհեմյան ակումբը 20 մլն եվրո է վճարել գործարքի կայացման համար: Կողմերի միջև կնքված համաձայնագրի ժամկետը նախատեսված է մինչև 2026 թվականը:
Հատկանշական է, որ «Բարսելոնային» է փոխանցվելու Կոուտինյոյի տրանսֆերային իրավունքի հաջորդ վաճառքից ստացված գումարի 50%-ը:
Հիշեցնենք, որ Ֆիլիպեն անգլիական թիմ էր տեղափոխվել վարձակալական հիմունքներով հունվարին:
ԱՊԼ-ի ընթացիկ մրցաշրջանում ֆուտբոլիստն անցկացրել է 16 հանդիպում՝ դառնալով 4 գոլի և 3 ասիստի հեղինակ:
