2021 թվականի ամռանը Կրիշտիանու Ռոնալդուն մոտ էր «Մանչեսթեր Սիթի» տեղափոխությանը, սակայն վերջին պահին ընտրեց «Մանչեսթեր Յունայթեդը»:
Ինչպես հաղորդում է The Athletic-ը, պորտուգալացին վստահ չի եղել, որ «քաղաքաբնակներն» իր համար տեղ կերաշխավորեն թիմի մեկնարկային կազմում:
«Մանչեսթեր Սիթիի» ղեկավարությունը նույնպես կասկածներ է ունեցել տրանսֆերի հարցում, քանի որ գործարքի կայացման դեպքում ստիպված էր լինելու վաճառել Մահրեզ-Բերնարդու Սիլվա-Ստերլինգ եռյակից մեկին:
Հիշեցնենք, որ «Ոսկե գնդակի» դափնեկիրը «Յուվենթուսից» «Մանչեսթեր Յունայթեդ» տեղափոխվեց 15 մլն եվրոյի դիմաց: Ռոնալդուի գործող պայմանագիրը նախատեսված է մինչև 2023 թվականը:
