Ինչպես արդեն տեղեկացրել ենք, Պրեմիեր լիգայի 17-րդ տուրից հետաձգված խաղում «Մանչեսթեր Յունայթեդը» 3:1 հաշվով հաղթել է «Բրենթֆորդին»։
71-րդ րոպեին մանչեսթերյան թիմի գլխավոր մարզիչ Ռալֆ Ռանգնիկը հարձակվող Կրիշտիանու Ռոնալդուին փոխարինել է՝ խաղադաշտ դուրս բերելով պաշտպան Հարի Մագուայրին։
Պորտուգալացին իր դժգոհությունն է արտահայտել՝ վերարկուն նետելով գետնին։ Մի քանի վայրկյան հետո նա վերցրել է վերարկուն և հագել:
Ինչպես հայտնում է BBC Sport-ը, Ռոնալդուն ինչ-որ բան է ասել պահեստայինների նստարանին նստելուց հետո:
Հետո թիմի մարզիչ Ռալֆ Ռանգնիկը զրուցել է Կրիշտիանուի հետ։
«Նորմալ է, որ հարձակվողը ցանկանում է գոլ խփել: Բայց նա խաղաց փոքր վնասվածքից հետո, և կարևոր էր հիշել, որ մեզ ևս մեկ խաղ է սպասվում։
Դրանից բացի, «Ասթոն Վիլայի» հետ խաղում տեղի ունեցածից հետո (2:2) այս անգամ մենք պետք է պահպանեինք հաշվի մեջ ունեցած առավելությունը. կարևոր էր վերադառնալ հինգ պաշտպանով խաղին»,- Ռանգնիկի խոսքը մեջբերում է ակումբի մամուլի ծառայությունը:
Cristiano Ronaldo was not happy after being substituted for Harry Maguire 😳 pic.twitter.com/qwoXPEwlez
— ESPN FC (@ESPNFC) January 19, 2022
