Կատալոնիայի ազգային արվեստի թանգարանում բացվել է «Գալա Սալվադոր Դալի» իսպանացի նկարչի ցուցահանդեսը նվիրված իր կնոջը Գալային: Ցուցահանդեսը ներառում է 315 օրինակ ցուցանմուշներ, որոնք կապված են հանրահայտ գեղանկարչի մուսայի հետ: Գեղանկարներ, լուսանկարներ, նամակներ, բացիկներ, գրքեր և հագուստներ, որոնք պատկանել են Գալային, նույն ինքը՝ Ելենա Դյակոնովային: Ցուցահանդեսի կազմակերպիչների նպատակն է ցույց տալ այցելուներին, թե ինչպիսի տաղանդ է թաքնված եղել «Դալիի մուսա» պիտակի տակ: Չնայած Գալան կարևոր դեր է խաղացել տաղանդաշատ նկարչի ստեղծագործական կյանքում, այդ ամենից անկախ Գալան ունեցել է իր ստեղծագործական քիչ հայտնի անցյալը, որը կապվում է Պուբոլի հետ:
Պուբոլի ամրոցը, որը նաև հայտնի է որպես՝ Գալա-Դալի ամրոց գտնվում Իսպանիայի Կատալոնիա ինքնավար մարզի Պուբոլ գյուղում: 1970-ական թվականներին այստեղ բնակվել են Սալվադոր Դալին և նրա կինը՝ Գալան: Ամրոցը Դալիի նվերն է եղել կնոջը, որը գոթիկայի ոճով կառուցել է Դալիի ընկերը՝ Էմիլ Պինիոն 11 դարում: Գալան չնայած մեծ ուրախությամբ է ընդունել այն Դալից, սակայն հայտնի է, որ Դալին այնտեղ կարողացել է մուտք գործել միայն Գալայի հատուկ հրավերով:
Ցուցահանդեսը, որը բաց կլինի մինչև 2018 թվականի հոկտեմբերի 14-ը կազմակերպել է Կատալոնիայի ազգային արվեստի թանգարանը և «Գալա-Սալվադոր-Դալի» հիմնադրամը:
Կտավներից մի քանիսը ստորև՝