«Բարսելոնայի» աջեզրային պաշտպան Դանի Ալվեսը նշել է իր դիրքում հանդես եկող իր սիրելի խաղացողների եռյակը:
«Ես շատ եմ հիանում Տրենտ Ալեքսանդր-Առնոլդի խաղով, նա ֆանտաստիկ ֆուտբոլիստ է. այս տղան ունի համաշխարհային մակարդակի հմտություններ:
Ես նաև հաճույք եմ ստանում Ռիս Ջեյմսի և Աշրաֆ Հաքիմիի խաղը դիտելուց: Նրանք համատեղում են ուժը տեխնիկայի հետ, հիանալի խաղացողներ են:
Այս 3 ֆուտբոլիստներն ակնհայտորեն տարբերվող հատկանիշներ և ոճ ունեն, բայց նրանք բոլորն էլ գիտեն, թե ինչպես խաղալ իրենց դիրքում»,- Ալվեսի խոսքն է մեջբերում Goal-ը՝ FourFourTwo-ին հղումով:
38-ամյա Ալվեսն այժմ Բրազիլիայի հավաքականի ճամբարում է:
