«Ռեալի» և Իսպանիայի հավաքականի աջեզրային պաշտպան Դանի Կարվախալը խոսել է մադրիդյան թիմում իր խաղընկեր, ֆրանսիացի հարձակվող Կարիմ Բենզեմայի մասին: Կարվախալը նշել է, որ կասկած չունի Բենզեմայի՝ «Ոսկե գնդակն» ստանալու հարցում:
«Ես չգիտեմ մարդու, որը կասկած ունի Բենզեմայի՝ «Ոսկե գնդակն» ստանալու հարցում: Մյուս բոլոր հավակնորդները շատ են զիջում Բենզեմային:
Նա հիանալի մրցաշրջան անցկացրեց և հսկայական ներդրում ունեցավ «Ռեալի» հաջողություններում»,- Կարվախալի խոսքն է մեջբերում AS-ը:
Կարիմ Բենզեման 2021/2022 մրցաշրջանում «Ռեալի» կազմում բոլոր մրցաշարերում անցկացրած 46 խաղում խփել է 44 գոլ և կատարել 15 գոլային փոխանցում: Մադրիդցիները նվաճել են Իսպանիայի Սուպերգավաթն ու Լա լիգայի չեմպիոնական տիտղոսը, դարձել Չեմպիոնների լիգայի հաղթող:
Ավելի վաղ նմանատիպ կարծիք էր հայտնել Մադրիդի «Ռեալի» նախկին գլխավոր մարզիչ Զինեդին Զիդանը: