Դանիայի հավաքականն ու նրա բուժանձնակազմն արժանացան FIFA Fair Play մրցանակին։

Մրցանակը շնորհվում է մարզական վարքի ու էթիկական կանոններին հետևելու սկզբունքով։ ԵՎՐՈ 2020-ի շրջանակում Դանիայի ու Ֆինլանդիայի միջև կայացած հանդիպման ժամանակ դանիացիների կիսապաշտպան Քրիստիան Էրիկսենը կորցրել էր գիտակցությունն ու ընկել խաղադաշտում։ Ֆուտբոլիստի մոտ սրտի կանգ էր արձանագրվել։

Թիմակիցները նրան առաջին օգնություն էին ցույց տվել, իսկ բժիշկների գալուց հետո Էրիկսենին թաքցրել տեսախցիկներից։ Դանիայի հավաքականի ավագ Սիմոն Կյերին ավելի ուշ ՈՒԵՖԱ-ն մրցանակի էր արժանացրել։