Ռուս թենիսիստ, աշխարհի 2-րդ ռակետ Դանիիլ Մեդվեդևը խոսել է «Ռոլան Գարոսում» իր հավակնությունների մասին:

«Ինձ «Ռոլան Գարոսի» ֆավորիտ չեմ համարում: Բայց ցանկանում եմ լավ ելույթ ունենալ: Եթե հաջողվի հասնել իմ նախկին խաղամակարդակին, կարող եմ վտանգավոր լինել»,- Մեդվեդևի խոսքն է մեջբերում Ubitennis-ը:

«Ռոլան Գարոսը» կմեկնարկի մայիսի 22-ին: Անցյալ տարվա խաղարկությունում 26-ամյա Մեդվեդևը պայքարը լքել էր 1/4 եզրափակիչում:

Հիշեցնենք՝ Դանիիլը կորտ է վերադարձել Ժնևում կայացած մրցաշարում, որի 2-րդ շրջանում նախօրեին պարտվել է ֆրանսիացի Ռիշար Գասկեին։