Կրիշտիանու Ռոնալդուն, կարծես, ամեն գնով ցանկանում է մրցաշրջանի ավարտից հետո հեռանալ «Յուվենտուսից», որն, ամենայն հավանականությամբ, 2011-ից հետո առաջին անգամ չի դառնա Ա սերիայի հաղթող:
Ինչպես տեղեկացնում է La Gazzetta dello Sport պարբերականը, պորտուգալացու գործակալ Ժորժե Մենդեշը սկսել է աշխատել իր հաճախորդի՝ «Մանչեսթեր Յունայթեդ» վերադառնալու ուղղությամբ: Աղբյուրի փոխանցմամբ՝ Պոգբան էլ, իր հերթին, կարող է վերադառնալ «Յուվենտուս», որտեղ նրան գրկաբաց են սպասում: Երկու ակումբները շուտով կսկսեն բանակցությունները հավանական փոխանակման հարցով:
Նշվում է, որ Ռոնալդուն նույնիսկ պատրաստ է աշխատավարձի նվազեցման՝ հանուն «Յունայթեդում» խաղալու: