«Բենֆիկայի» ռմբարկու Դարվին Նունյեսը, ամենայն հավանականությամբ, կարիերան կշարունակի «Լիվերպուլում»՝ հայտնում է The Athletic-ը:
Աղբյուրի հաղորդմամբ՝ ուրուգվայցի ֆուտբոլիստն անհատական պայմանագրի կետերը համաձայնեցրել է մերսիսայդցիների հետ: Հիմա հարկավոր է՝ «Լիվերպուլը» կարողանա պայմանավորվել «Բենֆիկայի» հետ տրանսֆերի արժեքի հարցում:
Նշվում է, որ պորտուգալական թիմը պահանջում է 80 մլն եվրո (եվս 20 մլն հավելավճարի հնարավորությամբ):
2021/22 մրցաշրջանում «արծիվների» կազմում 22-ամյա հարձակվողը, անցկացնելով 41 խաղ, խփել է 34 գոլ և կատարել 4 ասիստ: