Բաժիններ

ԼՐԱՑՈՒՑԻՉ

    • ՍՊՈՐՏ

Դաշտային բժշկից մինչև КГБ-ի գործակալ. բոլորից տարբեր Էռնեստ Հեմինգուեյը

Նոբելյան մրցանակի դափնեկիր, համաշխարհային գրականության վառ ներկայացուցիչ ու խոսքի վարպետ։ Խոսքը պաշտամունքային գրող Էռնեստ Հեմինգուեյի մասին է, ում վեպերն ընդմիշտ մնացել են պատմության մեջ։ Սեփական կյանքի պատմությունը պակաս վառ չէր, քան նրա ստեղծագործությունները։

Ներկայացնում ենք 12 արտասովոր փաստ գրողի մասին, որոնց ծանոթանալով` հետհայացք կգցեք նրա ստեղծագործություններին։

Հեմինգուեյը՝ պատերազմի մասնակից


 Էռնեստ Հեմինգուեյ 1

Էռնեստ Հեմինգուեյը Իսպանիայի քաղաքացիական պատերազմի ժամանակ


Հեղինակի ամենահայտնի վեպերից մեկը՝ «Ում մահն է գուժում զանգը», հիմնված է պատերազմի մասին Հեմինգուեյի անձնական տպավորությունների վրա, որոնց միջով գրողն անձամբ է անցել: Վատ տեսողության պատճառով նրան ռազմաճակատ չեն տարել, բայց, այնուամենայնիվ գնացել է՝ որպես դաշտային բժիշկ։ Իսկ հետո նա դարձել է «The Spanish Earth» վավերագրական ֆիլմի սցենարի հեղինակը:

Ամենակարճ պատմվածքը

Հեմինգուեյը մի անգամ գրազ է եկել, որ կարող է գրել ամենակարճ պատմությունը, որը կհուզի բոլորին: Բնականաբար, նա հաղթեց գարզը՝ գրելով ընդամենը մի քանի բառից բաղկացած նախադասություն, որը ընդմիշտ մնաց պատմության մեջ. «Վաճառվում են երեխայի կոշիկներ՝ չհագած»:

Ինքնագիր ամեն գնով


Հեմինգուեյն ատում էր ինքնագրեր տալու երևույթը, ուստի դա իսկական հազվադեպ էր պատահում իր կյանքում: Բայց մի դեպք ընդմիշտ մնաց պատմության մեջ. երկրպագուն երեք ամիս հետապնդում էր Հեմինգուեյին և վերջապես ինքնագիր ստացավ՝ «Վիկտոր Հիլլին. իսկական պոռնիկի որդի, որը չի կարողանում հասկանալ ոչ բառը»:

Գործակալ Արգո


 Էռնեստ Հեմինգուեյ 2


2009-ին պարզվել է, որ Հեմինգուեյը ՊԱԿ-ի (КГБ) գործակալ է եղել, բայց քանի որ բավականին անօգուտ է եղել խորհրդային հետախուզության համար, լրտեսների ցուցակից հանվել է 50 տարեկանում։ Գրողի կեղծանունն Արգո է եղել։ Դրա պատճառով գրողին հսկում էր ՀԴԲ-ն, ինչը դարձել է Հեմինգուեյի պարանոյայի պատճառներից մեկը։ Հոգեբուժարանում բուժման ժամանակ նա զանգահարել է ընկերներին ու վստահեցրել, որ ամենուր լսող սարքեր են տեղադրված, բայց ոչ ոք իրեն չի հավատացել։ Շատ տարիներ անց պարզվել է, որ նա իրավացի էր։

Բաղադրատոմսեր Հեմինգուեյից


Ասում են, որ Հեմինգուեյը շատ էր սիրում ուտել և ինքն էլ շատ էր պատրաստում։ Թերթի սյունակում նա մի անգամ հրապարակել է խնձորի կարկանդակի բաղադրատոմս։ Բայց աշխատելու ընթացքում նա նախընտրում էր գետնանուշով և սոխով սենդվիչներ։

Հեմինգուեյի ֆիրմային կոկտեյլը


 Էռնեստ Հեմինգուեյ 3


«Ժամանակ մի վատնեք եկեղեցիներում, կառավարական շենքերում կամ հրապարակներում: Եթե ​​ցանկանում եք իմանալ որևէ տեղի մշակույթի առանձնահատկությունները, գիշերեք տեղական բարերում»,- մի անգամ ասել է Հեմինգուեյը։

Գրողը շատ էր սիրում խմել և հաճախ էր լինում բարերում: Հեմինգուեյն առավոտյան նախընտրում էր Mojito, սիրում էր սառույցով Martini, խմում էր Daiquiri, բայց միայն երեկոյան: Ինչպես նաև հորինում էր իր «Death in the Afternoon» կոկտեյլը, որը բաղկացած էր շամպայնից, աբսենթից և սառույցից։

Հեմինգուեյի կատուները


Գրողի մյուս սերը կատուներն էին, որոնց հետ շատ պատմություններ են ասոցացվում։ Ժամանակակիցների հուշերի համաձայն՝ նա ուներ 20-ից ավելի կատու։ Հեմինգուեյի ամենահայտնի ընտանի կենդանին Ձնագնդի անունով կատուն էր, որի սերունդները մինչ օրս գոյություն ունեն և կրում են «Հեմինգուեյի կատուներ» պատվավոր անունը։


 Էռնեստ Հեմինգուեյ 4


Ինքնասպանությունների շարան


Իր ողջ կյանքի ընթացքում Հեմինգուեյը հավատում էր, որ իր ընտանիքը տառապում է անհաջողություններից: Նրա հայրը, կրտսեր եղբայրը, քույրը, իսկ ավելի ուշ՝ թոռնուհին ինքնասպան են եղել։ Ինքնասպան է եղել նաև ինքը՝ գրողը։ 1961 թվականի հուլիսի 2-ին, հոգեբուժարանից ազատվելուց երկու օր անց նա կրակել է ինքն իրեն՝ իր սիրելի W.&C. Scott & Son-ից, որն այժմ կոչվում է Hemingway:

Սեր զենքերի հանդեպ


 Էռնեստ Հեմինգուեյ 5


Հեմինգուեյը մանկուց պաշտում էր զենքերը, և այդ ամենը շնորհիվ իր պապի, ով ապագա գրողին իր 12-ամյակի կապակցությամբ նվիրել է 20 տրամաչափի ատրճանակ: Հետո նա վազեց Չիկագոյի արվարձաններից՝ ընկերներին պատմելու իր նոր նվերի մասին, և, վարկածներից մեկի համաձայն՝ ճանապարհին նրան հանդիպել է մի հնդկուհի, ով ասել է. «Զգույշ եղիր, տղա՛ս։ Այս խաղալիքները հակված են գնալ ցանկացած տեղ, ներառյալ իրենց տերերի մոտ»:

Կես դար անց հենց այդպես էլ եղավ...

Մեզ կարող եք հետևել նաև Telegram-ում
    • Ընթերցեք նաև

Գրող, որը սիրո մասին գեղեցիկ էր պատմում. այսօր Էրիխ Մարիա Ռեմարկի ծննդյան օրն է

  • 248

Պոեզիայի օր. Հուսիկ Արա

  • 269

Հանճարի զավակները. ովքե՞ր են Սերգեյ Եսենինի երեխաները և ի՞նչ ճակատագիր ունեցան

  • 264

Պրանկերներ Վովանն ու Լեքսուսը Զելենսկու անունից զանգահարել են Ջոան Ռոուլինգին (տեսանյութ)

  • 123

Սայաթ-Նովան, կամ ինչպես ինքն էր իրեն անվանում՝ «խալխի նոքարը»

  • 130

Պատմում է գրողի դուստրը. բացառիկ հուշեր և պատմություններ Վարդգես Պետրոսյանի կյանքից

  • 7349

Ես ընտանիքի հիմարն էի, բայց Նոբելյան մրցանակի արժանացա. Օրհան Փամուք

  • 183

«Կուզե՞ս պաշտել հոգի մ՚անբիծ». Պետրոս Դուրյանի ծննդյան օրն է

  • 286

Գրող Ջորջ Մարտինն ասել է, որ համացանցի հայտնվելով աշխարհը դառնացել է

  • 150

5 ֆիլմ + 5 գիրք․ Անի Սամսոնյան

  • 907

Le Monde. ֆրանսիացիներն սկսել են ավելի հաճախ գնել ռուսական և ուկրաինական գրականություն

  • 248

20+ փաստ Մարի Դյուպլեսիի մասին՝ աղքատ գյուղացի, որը նվաճեց Փարիզի էլիտան և Ալեքսանդր Դյումային

  • 444

Արարատի բարձունքում թաղված սիրտը․․․ Շիրազի ծննդյան օրն է

  • 365

Կանացի բազմաշերտ դրսևորումները մեկ կերպարում. Ջեյն Էյր

  • 485

Ներկայացվեց Չարենցի «Դանթեական առասպելի» իտալերեն նոր թարգմանությունը

  • 241

«Ինձ բացակա չդնեք»․ Համո Սահյանի ծննդյան օրն է

  • 455